بماني اشتريت دومين وقررت اني ابطل الهبل اللي انا بكتبه علي المدونه العبيطه دي فالحمد لله علي اخر الاسبوع ده
هيكون mohabsafwat.com جاهز للعمل
بجد انا حاسس انه هيكون رائح
واسمه هيكون your design
logo…
</فمن اليوم هتتقفل البلوج دي وهركزعلي your design
23 Jul
انتا بتتعلم ليه ؟؟؟
يتري انتا بتتعلم ليه علشان انتا عايز تتعلم وبتحب التعليم ولا علشان انتا عايز في الاخر يقولوا انك متعلم ولا انتا مجبر علي التعليم ولا بتتعلم علشان يقولوا عليك في الاخر حضرة البشمهندس اهو؟
اسئله كتيره والجواب معاك انتا لانك من جواك انتا اللي عارف انتا بتتعلم ليه
يتري لو كان كل الحاجات دي مش مهمه كنت هتتعلم زمان كان الناس بيتعلموا علشان هما عايزين يتعلموا لكن دلوقتي بمعني اصح هنقول انتا مجبر علي التعليم ولما تطلع من الجامعه تعلن اليوم اللي انتا اتعلمت فيه صح ولا غلط 
تقول هييه خلصت تعليم خلصت تعليم رقم 1 مفيش حاجه اسمها خلصت تعليم لان التعليم ملوش حدود ورقم 2 ده اكبر دليل انك كنت بتكره التعليم طب يتري العيب فيك ولا في النظام
العيب فينا احنا الاثنين برده انا مش هحب التعليم من اللي انا شفته فيه من عناء من اول قطتي صغيره لحد ما خلصت الجامعه وكمان انتا من جواك مش حابب التعليم مش شرط تمشي علي المناهج بتاعتك اللي في المدرسه او الكليه
ده انتا حتي ربنا حاططلك منهج تمشي عليه وهو دينك
حاول متكرهش التعليم واخرج من المنهج اللي مفروض في كل مكان حاول انك تحب التعليم ومتكرهوش
واحب اختم بقول رسول الله صلي الله عليه وسلم
اطلبوا العلم ولو في الصين
28 Jun
فرحان بكات سكوب 11 ؟؟
أنه سكوب رقم 11
يعني فيه 10 سكوب قبله
يتري مين انجح سكوب فيهم؟؟
الجميع اجمع علي ان سكوب 11 افضل من سكوب 8
وكل الناس اللي في الكات تعرف سكوب 8 ده ايه بالنسبه ليهم
هذا يؤكد علي ان سكوب 11 من انجح السكوبات علي الاطلاق
بس سكوب يستاهل علشان كل الناس اللي تعبم وطلع عينهم فيه علشان يطلع سكوب بالمنظر ده لهم كل الاحترام والتقدير خوصا شباب حاسبات
يا جماعه حد بص في اخر يوم في سكوب خالص الناس مكانتش قادره تقف لدرجة ان شباب حاسبات قعدم علي الارض وقالم والله ماحنا قايميين يالا
وده دليل انهم اتفرموا اتفرموا يعني مش هزار
يعني هو اخر يوم في سكوب خالص كانت الارواح بس اللي ماشيه بس باقي الجسم متشال
بمعني اصح ميتين ماشيين
اخر يوم في سكوب خالص بشمهندس احمد بكر سأل الناس اللي موجوده مين قاعد هنا من اول يوم في سكوب خالص ناس كتير رفعت ايدها ده دليل ان سكوب بقا له شنه ورنه وناس كتير بتحضر ليه علشان تستفسد
سكوب اصبح ليه متابعه كبيره في جامعة المنصوره وده مش من دلوقتي ده من زمان اوي او بمعني اصح هي الكات اللي ليها شنه ورنه في جامعة المنصورة
وانتهي سكوب والبقاء لله لكل المنظمين بس انا مرحتش اعزي في حد
اول يوم في سكوب:
القاعه مقفوله ومفيش فايهه بس شباب الكات فتحوها: ازاي متحولش تعرف لان ده دليل ان شباب الكات مبتقفش ادامهم حاجه خالص
خارقين بقا:)
والمميز في كات سكوب ده ان كات كان ليهم تشرتات خاصه كمان تيشرتات لفيدورا
وبدا شباب الكات العمل بهمة في اول يوم بتعبئة الفولدرات
الافتتاحيه د/احمد حسن رائد الاسرة
أحمد عبد الله I wanna be a hacker الاكثر متابعة وتصويت في سكوب
بشمهندس احمد بكرWhy Linux
هو عمل شبه مقارنه بسيطه بين اللينكس والويندوز او بمعني
اصح عيوب ده ومميزات ده
وسخن اوي علي ميكروسوفت
بس بصراحه عنده حق
ITeShare الرعي لسكوب
أسامة جمال Cutting Edge
تامر كمال Public speaking is easy
كانت جميله جدا جدا علفكره
عبد الله سعيد Unit Testing
أحمد مسعود world class ITians
………………………………………………
وجه تاني يوم
السيد جمالGoogle AppEngine
ITeShare ITeShare representatives
محمد محمود Igniting PHP with ORM Taste
محمد جمال The Git source control system
أحمد صقر Games Development intro
……………………………………………….
وثالث يوم
محمود متولى
New Horizons New Horizons representatives
أحمد مكاوى Virtualization techniques and cloud computing
أحمد على Coolest research in distributed computing
أحمد سليمان NoSQL – The road to infinite scalability
………………………………………………….
رابع يوم
انس عماد Ofok NGO::Draw Your Life With Open Source
إسلام ضياء Positive thinking
أحمد عابد One hacker Combo please
إسلام محمود Web-Develop not just code
أحمد على Picsawy Death by LOGO بصراحه كانت جميله جدا
محمود البناACMilan
وانا اتكرمت والحمد لله :التكريم و جوائز المسابقة و الختام
…………………………………………………………
اللوجو
بعض البوسترات
………………………………………………………………………………….
بعض الصور
<a 
href=”http://mohabsafwat.files.wordpress.com/2010/06/4609130507_e6483b6d82.jpg”>
شاهد باقي الصور
http://www.flickr.com/photos/48155067@N07
/sets/72157623942627823/
………………………………………………………………..
وكان فيه هدايا في كات سكوب عبارة عن تشرتات فيدورا واسطوانات لينكس
…………………………………… …………………………………….
بعض الفيديوهات
……………………………………………………………………
وبعد كل ده تفتكر كات سكوب مكانش ناجح؟؟
طيب ايه رايك فيه؟؟؟
…………………………………………………………………..
8 Jun
تفتكر انتا زي الاراجوز ؟؟؟
تفتكر انتا زي الاراجوز
مش ملاحظ ان في ناس كتير اوي بتتحكم في حياتك مش انتا اللي بتعمل كل حاجه بأرادك او بمعني اصح مش كل اللي انتا بتعوز تعمله بتعمله
ناس كتير اوي بتتحكم في حياتنا بس بشكل مستفز وهم كتير جدا بس انا حابب اوجه النظر لأثنين الحكومه والتعليم
الحكومه وحط تحتها ميت خط لان الحكومه بمعني اصح سبب فساد المجتمع مع ملاحظة انك لو مشيت صح الحكومه غصب عنها هتمشي صح
التعليم -المواصلات بس مش اوي لان معظمنا عنده عربيه -المياه -الكهرباء-المرافق العامه- الشوارع -بنزين 90 اللي البلد بتولع بيه دلوقتي الخصخصه -بيع المال العام – او بمعني اصح لهف المال العام وحاجات كتير اوي 
بمعني اصح الحكومه بتتحكم في حياتك بتجربك مثلا علي التعليم في مكان معين وتجيبلك مدرسي او دكاتره يطلعو عينك وتجيبلك مواد تلعنا طيب سؤال هم ليه مبيسيبوناش نختار ؟؟؟
الميه اللي بتيجي ليك للبيت ملاحظتش مره ان لونها او طعمها مختلف مع ان الناس هم اللي بيعملو كده يعني ترمي وساخه في النيل وتروح البيت تشرب الميه وتقول يااااه هي الميه وحشه كده ليه ويجيلك امراض الدنيا كلها طيب ما انتا اللي بترمي الميه دي اديك في وشك دلوقتي
المهم ان احنا دلوقتي مجربين علي حياتنا عملين زي الاراجوزات وفي سلوك من فوق بتحركنا وكان نفسي اتكلم علي السلوك دي بس بلاش احسن اروح الدور التاني في امن الدوله
……………………………………………………………………………….
مش ملاحظ انك في حياتك بتقابل ناس مستفزه جدا بمعني اصح (ناس ملهومش لزمه في الحياه
ويريته بس عايش كده بمعني اصح عمو حسني مبارك فاهم الشعب كويس
في نقطتين انا بحبهم اوي في سياسته
ساب الناس تاكل في بعضها
ومخلاش اي احتلال اجنبي يدخل البلد
واحد هييجي يقولي انتا يبني امال كل الناس الاجانب والخصخصه وان مبارك دلول الاجانب وكل الكلام اللي احنا فهمينه ده بس مخلاش دبابه تيجي ادام بيتك وتضرب فيه زي فلسطين ربنا يرفع حصارهم ويخلي اليهود كمان وكمان
لان احنا كعرب احنا اللي بنشجعه بالصمت بتاعم ده
مثلا ييجي السعودي يحط 10000000000000000
مليار دولار في الخارج امريكا مثلا ييجوا يديلوا الفوايد يقوله
لا احنا ما ناخد فوايد حراام حرام حراام يا كافر يا فاسق
وتقوم الفلوس بتاعت العرب متحوله لاسرائيل طيب ما تجيب الفلوس دي اغني بيها العرب ساعد الفقره ارميها في البحر بس هاتها ومترحش لليهود
2-الغاز اللي مصر والسعوديه والجزائر وقطر والكويت ودول كتير جدا بتصدر الغاز لاسرائيل علي شان يمشوا الدبابات
وبعدين لما الفلسطينيين ييجوا يضربوا نقول يا لهوييييي يا نهار اسود يا لهوييي زي الستات يادي الخيبه
تديلهم فلوس وغاز وتيجي تصوت وكل ما نضرب نقول نحن ندين ونستنكر ونشجب ونرفع القضيه لمجلس الامن ونطالب برفع الحار علي غزه
وعلي رأي احمد حلمي
اكيد انتم عارفين بقا
4 Jun
ازاي بتستخدم twitter .facebook
حد سأل نفسه هو احني داخلين 
علي تويتر والفيس بوك ليه
في تويتات تصيب بالشلل مثلا
لقيت واحد كاتب يا جماعه الاتوبيس
ريحته بيض مسلوق طيب انا مالي بالبيض
ده انشاء الله تولع بالاتوبيس بتاعك ده
وواحد تاني لاقيته كاتب انا رايح
احلق دقني طيب يارب تتعور
انا مالي بدقنك دي انا استفدت
ايه لما قرات السخافه دي
وعلي فكره مش بس الناس اللي
في مصر اللي بستخدم تويتر والفيس
بوك غلط دي غالبية الناس
……………………………………………..
الموضوع التاني عمرك دخلت
علي منتديات ايوه منتديات
اللي بتلاقي عليها خمسين
اعلان فوق ده يقولك اليوم
جبتلكم العاب جديده ويرسملك ميت
وش بيضحك والامضاء عاشق
السفر والتعلايقات بقه ايه تلاقي واحد كاتب
مشكوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووور اخي
يعطيك العااااااااااااااافيه
ايه التخلف اللي احنا فيه
ده ولحد امتها هنفضل كده
سؤال ملوش جواب غير
بايد الناس اللي بتعمل كده
وياريت معدوش يعملوا كده تاني
علشان لو شفت واحد
منهم بيعمل كده هقتله فاهمين
وعلي فكره انا كنت داخل في
سكة استعمال التويتر والفيس
بوك غلط بس الحمد لله دورت وشي ومشيت بالعكس ))
20 May
ليه كده
انا بقيت بلاحط الايام اللي فاتت ان الشعب المصري مثقف متضحكش عليا مثقف باللغة العربانجليزي
دي لغة جديدة اخترعا الشعب المصري وبقت حاجة مستفزة جداجدا مثلا تلاقي الواحدة تقولك يلا يحبيبي اربط الشوز والاغرب اني مرة سمعت واحدة بتقول لابنها يلا يا حبييبي ادي لطنط بوسة الوله مفهمش وبعدين لقيتها بتقوله يلا يا حبيبس ادي لطنط
Kiss
طيب ليه كده هو احنا شعب مثقف للدرجة دي يتتكلم عربي و يتتكلم انجليزي وفي حاجة تانية بقت مستفزة اوي ان في ناس فاكرين انهم بيتكلمو انجليزي ولما تيجي تتكلم معاهم بيقولولك كلمات مش في الانجليزي اصلا يمكن ثقافتهم الماني المهم مش مشكلة
نيجي بقا للموضوع المهم في يوم كنت راكب تاكسي فلقيت واحدة تانية بتقول للسواق ايه تشلخا الها فين قالتله تشلخا قلها لا والله
والمرة التانية كنت راكب فلقيت واحده بتقول للسواق ايه الكامعة الكامعة
المهم انا حبيت بس الفت نظركم للحاجة دي علشان بقت مستفززه اوي
كتير
خالص
20 May
عيد ميلادك
عيد ميلادك
أحمد حلمي
سؤال.. تفتكر يوم «عيد ميلادك» يبقي عمرك كده زاد سنة ولا نقص سنة؟ السؤال ده سألته لنفسي يوم عيد ميلادي.. يا تري أنا كده عمري زاد سنة ولا نقص سنة؟ «عيد ميلادي».. عيد ميلادي هو اليوم اللي أنا اتولدت فيه.. طيب ليه بقي اليوم اللي أنا اتولدت فيه يبقي عيد؟ ليه عيد؟ ومين اللي حدد إذا كان عيد ولا مش عيد؟ بني آدم اتولد في أي يوم من أيام السنة.. إيه العيد في كده؟!.. إنك اتولدت! أهلا وسهلا يا سيدي.. واحد اتولد.. حاجة عادية جدا.. زيك زي كل الناس اللي اتولدت علي الكرة الأرضية من يوم ربنا ما خلقها وخلقنا.. وهو لو يوم عيد.. إشمعني ليك إنت؟ المفروض أنه يكون يوم عيد لأبوك وأمك اللي بالنسبة لهم أكيد هايبقوا فرحانين ومزقططين بيك وبخلفتك، وخصوصا لو كان بقالهم كتير مستنيين إن ربنا يأذن بتكوين حضرتك.. وعلي فكرة مش بالضرورة يبقوا فرحانين أوي.. يعني في حالة لو كان مرتبهم نص نص ممكن يبقوا فرحانين نص نص برضه.. والفرحه هاتقل عن النص لو كنت أنت العيل الخامس ولا السادس في ترتيب أخوات حضرتك.. وياعالم هاتبقي إنت آخر العنقود، فاهتتدلع ولا العنقود هايكون لسه متقفلش وفاضله عيل ولا عيلين كمان علشان يتقفل.. وممكن مايكونوش فرحانين بيك خالص، وخبر بداية وجودك يكون سبب في خناقة كبيرة بين أبوك وأمك اللي كل واحد فيهم هايحاول يبرأ نفسه من سبب حدوثك، اللي مش وقته خالص، لأنهم لسه مش مستعدين لمصاريف خلفة سيادتك.. ومش بعيد أبوك يجبر أمك تنزلك ومتجيش أصلا.. ومين عارف.. ده ممكن أمك تنزلك من غير ما تقول لأبوك.. بس أنا هافترض بقي إن أبوك وأمك ميسورين الحال ومستنينك بفارغ الصبر وإنك فعلاً اتولدت وجيت ونورت البيت.. وطبعًا أكيد هاتتولد في شهر عادي من شهور السنة، وفي يوم من الأيام العادية المعروفة بتاعة الأسبوع اللي كل ما هايهل علينا هاتقول النهاردة عيد ميلادي.. عيد ليه؟ المفروض الواحد يقول النهاردة يوم ميلادي.. أو ذكري يوم ميلادي.. أو يا جماعة أنا اتولدت في يوم زي النهاردة.. وخلاص، ولو عايز تحتفل بذكري ميلادك، يبقي قول النهاردة أنا هاحتفل بذكري يوم ميلادي.. مش «بعيد ميلادي”.. إيه البارانويا دي؟ مين اللي حدد إن اليوم اللي حضرتك اتولدت فيه عيد؟ إنت مين أصلا؟ واحد عادي.. إنسان مولود من كذا سنة.. عملت إيه مهم في حياتك علشان تخلي يوم ميلادك، عيد تحتفل بيه إنت وأهلك وأصحابك؟! وحتي لو قلت أنا هاحتفل بيوم ميلادي مش عيد ميلادي.. تحتفل بيه ليه من أساسه؟.. حصل إيه يعني لما اتولدت؟ أكيد كنت بتعيط وصوتك مزعج، ومش عارف تقولنا إنت بتعيط ليه، وأبوك وأمك مش عارفين يفهموك، ولا يناموا منك، وبتعملها علي روحك أو علي رجل أي حد من اللي شايلينك، وريحتك وحشه وبتريل وبتقشط وبتتكرع في وش أي حد، ودايما قارفهم ومشتت تفكيرهم ومخلي عينهم وسط راسهم لتقع ولا تتخبط.. ونايم وسطهم ومشاركهم في سريرهم.. لا عارفين يتقلبوا ولا يناموا، ولا حتي يحضنوا بعض.. وإن نمت علي سرير لوحدك هاتاخد مخدتين.. واحدة يمينك والتانية شمالك علشان ماتقعش وإنت نايم.. ناقص يحجروك بحجرين.. ده غير بقي السخونية والحصبة والإسهال والتطعيم والجفاف والتسنين.. صحيح خلفتك نعمة من عند ربنا.. نشكره عليها آلاف المرات والمرات.. بس بصراحة تربيتك مقرفة ومتعبة.. وفي الآخر تضحك عليهم بضحكة طفولية تنسيهم كل القرف اللي عملته فيهم وشافوه منك، وخصوصا أمك اللي بالرغم من كل اللي شافته وشايفاه ولسه هاتشوفه منك، ماتستحملش الهوا عليك.. أهي هي دي اللي المفروض يبقي ليها عيد صحيح زي عيد الأم فعلا.. عيد واضح وصريح ومفهومة أسبابه.. عيد بنحتفل بيه بالأم العظيمة اللي ربتك وشالتك وسهرت عليك وحملت فيك تسع شهور بتتقلب وتتوجع ونفسها تغم عليها بسبب إن حضرتك مضايقها في بطنها تسع شهور.. كتك القرف يا أخي.. عارف يعني إيه تسع شهور.. يعني 270 يوم.. إنت تقدر تشيل قزازة مية في إيدك مش في بطنك لمدة يوم واحد؟! تفضل قايم قاعد خارج داخل صاحي نايم بيها؟! أتحداك.. ده أنت من أول ساعة يا هاتشربها يا هاتكبها في أقرب حوض، وتطوح القزازة في أقرب صفيحة زبالة.. لو إنت شايف إنك ضروري تحتفل بيوم ذكري ميلادك، يبقي تعالي نرجع الحق لصحابه.. يبقي من باب أولي إن ابوك وأمك هما اللي يحتفلوا بيه.. مش إنت.. يحتفلوا بالذكري العظيمة اللي ربنا إداهم فيها نعمة اسمها الخلفة.. وأنا أقصد الخلفة كخلفة في حد ذاتها.. يعني مش شرط تكون إنت النعمة دي.. مين عارف ما أنت ممكن تكون نقمة عليهم، وتدوخهم السبع دوخات ما بين مصاريف وتعليم وعلاج وهدوم وأكل.. وممكن جدا في الآخر تبقي فاشل وصايع وضايع.. لا نافع فيك تعليم ولا دروس.. وتقولي أحتفل بعيد ميلادي! يا عم روح.. واللي يجننك بقي أنه في يوم عيد ميلادك العظيم ده كمان يجيبولك هدايا.. علي إيه؟ الهدايا دي كلها المفروض يجيبوها للراجل والست اللي صرفوا عليك دم قلبهم.. هما اللي ياخدوا الهدايا كنوع من التعويض المعنوي علي اللي شافوه منك، وتعويض مادي عما صرفوه عليك.. يبقي هما اللي بيستنوا اليوم ده مش إنت.. إنت المفروض يوم عيد ميلاك ده تقضيه إعتذار للي أنت عملته فيهم.. تبوس إيديهم ورجليهم ودماغهم، وتقولهم سامحوني وأوعوا تزعلوا مني.. أنا كنت عيل ومش فاهم حاجة.. المفروض تسهر طول الليل تدعي ربنا إنهم ينسوا ويسامحوك.. مش تقولي عيد ميلادي.. يا راجل روح.
ولو عايز يبقي ليك عيد ليوم ميلادك تحتفل بيه وتهيص وترقص وتزغرط حتي.. يبقي في حالة واحدة.. يوم ما نقول الحمد لله إنك اتولدت للدنيا وللبشرية عشان إنت عملت حاجة مهمة ومفيدة للناس اللي حواليك أو للبشرية عموما.. ساعتها إبقي إعمل 100 عيد ليوم ميلادك.. يوم ما نقول الحمد لله إنك اتولدت في اليوم ده، لأن لولا ميلادك.. ماكانش بقي عندنا أول واحد يطلع القمر، ويكون مصري.. مثلا.. لما نقول الحمد لله إنك اتولدت في اليوم ده، وبقي عندنا أول واحد اخترع القنبله الذرية.. مثلا.. يوم ما نقول الحمد لله إنك اتولدت لأنك سند لأبوك وأمك.. يوم مانقول الحمد لله إنك أعظم وأهم دكتور مصري في العالم.. لما الحالة دي تتحقق نقول الحمد لله إن حضرتك اتولدت.. ساعتها إعمل ألف عيد ليوم ميلادك.. احتفل بيه لما تبقي عامل في حياتك حاجة مفيدة ومهمة.. ساعتها قول بعلو صوتك هو ده اليوم اللي اتولدت فيه.. ساعتها هاتعرف عمرك زاد سنة ولا نقص سنة.. يوم ذكري ميلادك.. ابقي فكر قبل ما تطفي الشمع إنت عملت إيه في السنة اللي فاتت.. لو لقيت عمايلك بيضة وإيجابية.. ابقي زود شمعة علي شمع سنينك اللي أنت حاططهم في تورتة عمرك.. نص كبايتك هايبقي مليان.. هاتعرف إن عمرك زاد سنة مفيدة.. وساعتها هاتفكر في يوم ميلادك الجاي وإزاي يبقي عيد ميلاد مش يوم ميلاد.. يوم تزود فيه شمعة.. أما بقي لو لقيت نفسك مش مفيد ولا مهم ولا ليك لازمة وعمايلك سلبية وسودة.. علطول شيل من شمع سنينك شمعة.. نقص من عمرك سنة عدت من غير ما تعمل فيها أي حاجة مهمة.. وساعتها لازم تعرف إن عمرك نقص سنة، وكل سنة هاينقص سنة.. إعرف إنك عايش لورا مش لقدام.. إعرف إنك بجد بتستهبل فعلا.. إنت وشمعك وتورتتك.. إعرف إنك لا تمتلك من الكباية إلا النص الفاضي.. وإياك تهوب أو تبص علي النص المليان.. عارف ليه؟ لأنه بتاع واحد بيحتفل بعيد ميلاده.
احمد حلمي
1 Feb
رزق الهبل علي المجانين
كثيرا ما ننظر نحن الناس الي كرة القدم لكننا نعطيها اكثر من حقها بكثير جدا نعطيعا قدرا كبيرا من قدر العلماء والمكتشفين انتا لو مشيت اليوم في الشارع وقلت لطفل تحب مين يا حبيبي ايها تحب محمد ابو تريكة ولا زويل هقولك مين زويل دة اصلا لان الاطفال المصريين تربوا علي لعب وحب التفاهة العامة مثل كرة القدم نحن لا نقول ان كرة القدم شي سيئ لاكن لايجب ان نعطيها اكثر من قدرها
مثال عندما اخد احمد زويل جائزة نوبل هل احتفل به الناس هل قدمولة ملايين بل مليارات الدولارات لتقديم العلم مثل ما يأخذ لاعبي كرة القدم هل عند قدومة استقبلة الريس الذي لا يليق بأن يكون رئيس لهذة البلد التي عانت كثيرا حتي تم تحريرها من يد المحتلين لكن نحن الان من نجعل المحتلين يدخلوا ارضنا بسهولة وقد استطاع الغرب ان يفرق بين العرب بمباراة كرة قدم ما بالك اغراض سياية نحن نتابع المباريات بأهتمام كبير لا نأخذ بالنا ان امريكا واسرائيل تقسم الدول العربية مثل السودان لاتبني أكثر من 40 سد في اثيوبيا و جنوب السودان التي اصبحت تبعا لامريكا بهذا الامر المصدر الرئيسي للمياة بمصر سيقسم الي 4 دول مصر و شمال السودانة وجنوب السودان والسدود التي تسيطر علي اسرائيل بأمر من امريكا
لا نهتم الي الجدار الفاصل التي تبنية مصر واسرائيل تبعا لحصار غزة من كل جانب حتي تباد نهائاً ولا نهتم ان اسرائيل فتحت السدود علي غزة لكي تغرق بمفعول المياة المدتفقة من اسرائيل لا نهتم الي الغاز الطبيعي الذي يسلب منا كل يوم بسعر زهيد جدا ثم نشتكي الحال انة يوجد ازمة غاز طبيعي لانهتم ان امريكا اجرت اختبارات علي سلاح زلزالي يضرب في الماء لكي يقوم بهزات شديدة جدا وقد قامت بأختبارة في هاييتي لكي تفرض سيطرتها عليها ولكي تقوم بفعل ذلك بإيران ولا نهتم ان امريكا بعلاقات وثيقة بالهند والصين تقوم بمناورات لكي تقوم بظرب مفاعل نووي في باكستان
ولكن نهتم بأن مصر فازت بكأس افريقيا يا حلاوة واية الفائدة التي عادت علينا انا فقط اموال بازخة تصرف علي اللاعبين ولا تصرف علي العقول البسيطة الموجدودة في مصر التي قاربت علي الأنقراض من شدة ما يروة كل يوم اذا اردت ان تكون مغيب افعل ذلك وإذا لم ترد لا تفعل ذلك ان العيب ليس في مصر فهي بريئة منا بل العيب في انفسنا
نعيب زماننا والعيب فينا وما لزماننا عيب سوانا
31 Jan
المواطن المصري
ان ما يعانية المواطن المصري كل يوم من ضغوط والزامات في يومة العادي يجعلة يفكر في الانتحار اذا ضاق الامر ولا نذهب بعيدا فكان من من فترة وجيزة خبر قرأتة رالجرايد مواطن يحاول الانتحار لانة لم يستطع جلب كيلو لحمة لاسرتة قبل العيد
وإذا نظرنا الي نفسنا نجد اننا نأكل في الشهر الواحد ييجي خروف مثلا ولا نأخذ بالنا من هؤلاء البشر الذي طحنتهم الحكومة في المطحنة وفرمتهم في خلاط اسة لقمة العيش المواطن من دول يصحي في الصباح الباكر علي دقية عمة جاد بتاع الفول يخلص فطار يذهب لمحطة الاتوبيس ينتظر اتوبيس الحكومة الكحيان اللي هو اصلا لو وديتة اوروبا لكان عملوة سلة زبالة
الاتوبيس سعتة 60 فرد مثلا يركب بداخلة ما يعادل 150 فرد +50 بيتشعلقوا في الخلف وفي البيبان
يذهب الي العمل الذي بهة 150 فرد لا يعملون اخر الشهر بياخد 300 جنية 100 نور و100 مية و100 تليفون والغاز 50 غير الاكل والملابس والذي منة عند هذة الحال يفكر في الانتحار
لا لطحن المواطن المصري
:Sec
