حسرة علي تعليمنا!

في بداية الامر كان الشخص وهو صغير يحلم انة يتعلم ويا سلام لو كان متفوق والله الله لو راح كلية قمة لاكن اتضح ان التعليم دة كدبة كبيرة جدااااا كلة بيكدب علي كلة المدرس بيكدب علي التلميذ وفاكر نفسة بيعلمة والطالب بيكذب علي المدرس وفاكر نفسة بيتعلم والدكتور بيكدب علي طلاب الجامعة وفاكر نفسة حاجة كبيرة جدا والطالب فاكر نفسة بيتعلم وأكتر من 90./. من الطلاب اذا كان في المدارس أو الجامعات بينجحو بالكوسة ….

المهم اني في يوم من الايام اعد في الفصل زي اي تلميذ عادي دخل علينا مدرس اية؟؟
الحاسب الالي
وما أدراك ما الحاسب الالي بتاعنا احنا في الصف الثاني الاعدادي المفروض نكون بنتعلم حاجة كبيرة يعني لقيتة بيقول
اه… يا ولاد في مذكرة للحاسب الالي في المكتبة الفولانية لازم تجيبوها علشان هييجي منها امتحان الحاسب الالي العملي اللي هو أصلا بيغششوا العيال فية اصلا يعني جبت المذكرة وما ادراك ما هي مذكرة عجب كلة دة ولسة بندرس ازاي تبحث عن عبارة السياحة في مصر علي google شوفتوا الحلاوة
المهم

يوم الامتحان الكل متاهب ليس للتعليم لكن للغش
البداية ابل كل الناس اولاد المدرسيين والحبايب وانتم فاهمين طبعا بيمتحنوا قبل كل الناس المصيبة انهم حتي مش بيغشوا دة الورق بيروح لهم محلول جاهز …..
وازا جة مراقب من برة بيقول ياة هي المدرسة دي شاطرة اوي كدة لية اصلة ميعرفش اللي فيها
بيقولوا مثلا الاجابات ازاي
1- نفتح صفحة المستعرض
2- نقم باختيار خيارات
3- نخنار خيارات الانترنت ثم عام ثم اوووك

المصيبة ليست في عقول الاطفال مافيش حد بيتولد غبي او فاشل بس في واحد عايز يبقي حاجة وواحد تاني بيسبح في الفضاء ومعايا صور توضح طبيعة الموضوع الفيديو هات